Proses Llwybrau at Waith
Mae Llwybrau at Waith yn cynnig porth unigol i gymorth ariannol, cyflogaeth ac iechyd i bobl sy`n hawlio budd-daliadau analluogrwydd.
Llwybrau at Waith a arweinir gan y Ganolfan Byd Gwaith Mae Llwybrau at Waith a arweinir gan y Ganolfan Byd Gwaith yn cael ei gweithredu ar hyn o bryd yn 40 y cant o’r wlad. Mae`r broses yn cynnwys:
- Defnyddir yr Asesiad Gallu Personol i benderfynu p`un a oes hawl ganddynt i gael budd-daliadau; ac yn cynnwys Adroddiad Galluoedd sy’n canolbwyntio ar yr hyn y gall cwsmer ei wneud yn hytrach na’r hyn na allant ei wneud. Oherwydd natur eu salwch, caiff rhai pobl eu heithrio o’r asesiad hwn a rhag gorfod cymryd rhan ymhellach.
- Cyfweliad gorfodol sy`n canolbwyntio ar waith wyth wythnos ar ôl gwneud cais am fudd-dal analluogrwydd (ac eithrio mewn achosion lle y caiff ei ohirio neu ei ildio oherwydd natur y salwch).
- Bydd dull sgrinio yn y cyfweliad cychwynnol sy’n canolbwyntio ar waith yn nodi pwy fydd yn cael rhagor o gyfweliadau sy`n canolbwyntio ar waith a phwy a gaiff eu heithrio rhag gorfod cymryd rhan ymhellach.
- Mynediad i amrywiaeth o raglenni i roi cymorth i`r cwsmer i baratoi i ddychwelyd i`r gwaith, gan gynnwys y Rhaglenni Rheoli Cyflwr Iechyd sydd â’r nod i helpu’r cwsmer rheoli eu cyflwr iechyd neu ei anabledd fel y gall ddychwelyd i`r gwaith.
- Credyd Dychwelyd i`r Gwaith, lle bydd cwsmeriaid sy`n dechrau cyflogaeth yn gymwys i gael taliad wythnosol o £40 yr wythnos am 12 mis os yw eu cyflog yn llai na £15,000 y flwyddyn.
Llwybrau at Waith a arweinir gan Ddarparwyr
Ebrill 2008, mewn 60 y cant o’r wlad sy’n weddill, mae Llwybrau at Waith wedi cael eu cyflenwi gan gontractwyr allanol. Yn yr ardaloedd hyn, mae gan ddarparwyr yr hyblygrwydd i deilwra’r amrywiaeth o raglenni sydd ar gael i gwsmeriaid er mwyn diwallu eu hanghenion. Felly, gall y cymorth sydd ar gael yn yr ardaloedd Llwybrau a arweinir gan Ddarparwyr wahaniaethu rhywfaint o’r hyn a ddarperir mewn ardaloedd Llwybrau at Waith a arweinir gan y Ganolfan Byd Gwaith.