Yr ardaloedd arbrofi
Mae 15 o ardaloedd 'arbrofi' wedi'u dewis i brofi'r dull hwn o weithredu ac maent yn datblygu eu cynlluniau. Ymhlith y gweithgareddau allweddol tebygol mae:
- defnyddio arian a neilltuir gan bartneriaid i lenwi bylchau yn y ddarpariaeth bresennol a rhoi mwy o gymorth i'r rhai sy'n cael y lleiaf o gymorth gan y wladwriaeth les ar hyn o bryd
- cydgysylltu gweithgarwch lleol yn fwy effeithiol, fel bod mwy o eglurder a llai o ddyblygu, gyda llwybrau cliriach er mwyn i unigolion fanteisio ar y cymorth sydd ei angen arnynt i ddychwelyd i'r gwaith
- sicrhau bod y ddarpariaeth a gynigir yn diwallu anghenion y farchnad lafur leol yn well, fel y gall unigolion feithrin y sgiliau a'r priodoleddau sydd eu hangen arnynt i gael gafael ar y swyddi penodol y mae angen i gyflogwyr eu llenwi.
Ymhlith yr ardaloedd arbrofi llwyddiannus mae:
- Birmingham, Coventry a'r Ardal Ddu
- Blackburn gyda Darwen
- Dundee
- Dwyrain Llundain
- Caeredin
- Glasgow
- Blaenau'r Cymoedd
- Caerlŷr
- Lerpwl
- Manceinion Fwyaf
- Nottingham
- Y Rhyl
- De Swydd Efrog
- Tyne a Wear
- Gorllewin Llundain
Y ddwy ardal arbrofi gyntaf, a gyhoeddwyd ym mis Ebrill 2006, oedd Dwyrain a Gorllewin Llundain. Rhoddwyd statws ardaloedd arbrofi i 13 o ddinasoedd a threfi llwyddiannus eraill ym mis Gorffennaf 2006.
Er mwyn hyrwyddo arloesedd a rhannu syniadau ac arfer da, mae pob ardal arbrofi wedi cytuno y gellir cyhoeddi ei Datganiadau o ddiddordeb ar y wefan hon.
Ym mis Rhagfyr 2006, cyflwynodd yr ardaloedd arbrofi Gynlluniau Busnes a oedd yn amlinellu'r her sy'n wynebu eu hardal a'r hyn yr oeddent am ei gyflawni.
Mae'r wybodaeth ar y wefan hon yn Gymraeg. Fodd bynnag, gall cysylltiadau i wefannau allanol eich arwain at wybodaeth yn Saesneg.