Grant Mamolaeth Cychwyn Cadarn
- Pwy gaiff dderbyn y grant?
- Sut ydw i'n gwneud cais?
- Lawrlwythwch ffurflen gais am Grant Mamolaeth
- Pa wybodaeth mae'n rhaid i mi ei rhoi?
- A fydd fy nghynilion yn effeithio ar y grant?
Gall ymdopi â chostau ychwanegol babi newydd fod yn anodd, yn enwedig os ydych chi ar incwm isel.
Mae grant ar gael i'ch helpu i roi cychwyn cadarnhaol i'ch babi mewn bywyd. Ei enw yw'r Grant Mamolaeth Cychwyn Cadarn.
Telir y grant o'r Gronfa Gymdeithasol ac nid oes rhaid i chi ei dalu'n ôl.
Pwy gaiff dderbyn y grant?
Gallwch gael Grant Mamolaeth Cychwyn Cadarn os ydych chi neu'ch partner yn derbyn:
- Cymhorthdal Incwm
- Lwfans Ceisio Gwaith yn seiliedig ar incwm
- Credyd Pensiwn
- Credyd Treth Plant sy'n cynnwys swm sy'n uwch na'r elfen deulu, neu
- Credyd Treth Gwaith lle mae elfen anabledd neu anabledd difrifol yn rhan o'r dyfarniad.
Sut ydw i'n gwneud cais?
Gallwch wneud cais am Grant Mamolaeth Cychwyn Cadarn ar ffurflen SF100 Cychwyn Cadarn, y gallwch gael gafael arni yn eich swyddfa Canolfan Byd Gwaith leol
Os oes partner gennych, gall unrhyw un ohonoch chi lenwi'r ffurflen gais, ond gwnewch yn siŵr eich bod chi'n cynnwys enw mam y babi. Llenwch eich ffurflen a`i hanfon yn ôl i`ch Canolfan Gwaith leol neu swyddfa Canolfan Byd Gwaith leol.
Gallwch wneud cais am Grant Mamolaeth Cychwyn Cadarn unrhyw bryd o`r 29ain wythnos y byddwch chi'n feichiog hyd y bydd eich plentyn yn dri mis oed.
Os ydych chi'n mabwysiadu plentyn, mae'n rhaid i chi wneud cais am y grant cyn pen tri mis i'r dyddiad mabwysiadu ac ni ddylai'r plentyn fod yn hŷn na 12 mis oed pan wnewch chi'ch cais.
Os ydych chi neu'ch gŵr neu wraig wedi cael gorchymyn rhiant ar gyfer genedigaeth croth fenthyg, mae'n rhaid i chi wneud cais cyn pen tri mis i ddyddiad y gorchymyn rhiant.
Lawrlwythwch ffurflen gais am Grant Mamolaeth
Gallwch lawrlwytho ffurflen gais am Grant Mamolaeth ar ffurf PDF (226KB). Mae nodiadau gyda`r ffurflen i'ch helpu i'w llenwi ac i roi gwybod i chi ble i'w hanfon ar ôl ei llenwi. Ni allwch ddefnyddio'r ffurflen hon yng Ngogledd Iwerddon.
- Rydym yn argymell i chi gadw'r ffeil hon ar ddisg galed eich cyfrifiadur, ar CD neu ar ddisg hyblyg.
- I gadw copi o'r ffeil ar ddisg, de-gliciwch gyda'ch llygoden ar y cyswllt ar gyfer y ffurflen isod a dewiswch yr opsiwn `Save Target As` / `Cadw`r Targed dan yr enw'.
- Os gwnewch chi gais arall, gwiriwch y safle hwn i sicrhau eich bod yn defnyddio ffurflen gyfredol.
Grant Mamolaeth Cychwyn Cadarn: argraffwch ffurflen i'w llenwi mewn llawysgrifen (226KB)
Os cewch anawsterau technegol wrth:
- lawrlwytho'r ffurflen
- argraffu copi caled
Cysylltwch â Desg Gymorth yr e-Wasanaeth.
Pa wybodaeth mae'n rhaid i mi ei rhoi?
Bydd angen i chi roi gwybod i ni beth yw dyddiad disgwyliedig genedigaeth eich babi. Os yw'ch babi wedi'i eni eisoes, mae angen i ni wybod dyddiad yr enedigaeth, yr enedigaeth groth fenthyg neu'r dyddiad mabwysiadu. Os ydych chi'n gwneud cais ar ôl mabwysiadu neu enedigaeth croth fenthyg, bydd angen i ni weld eich papurau mabwysiadu neu orchymyn rhiant. Dylech roi'r rhai gwreiddiol, yn hytrach na llungopïau.
Hefyd, bydd angen i chi ddangos i ni eich bod chi wedi cael cyngor ar anghenion iechyd a lles cyffredinol eich babi - ac ar iechyd y fam, os ydych chi'n gwneud cais cyn genedigaeth y babi. Mae tystysgrif ar gefn y ffurflen gais i chi ei defnyddio.
Bydd angen i chi ofyn i un o'r canlynol lofnodi'r dystysgrif:
- bydwraig gymunedol neu ysbyty;
- ymwelydd iechyd; neu
- eich meddyg.
A fydd fy nghynilion yn effeithio ar fy ngrant?
Fel rheol, ni fydd cynilion yn effeithio ar swm Grant Mamolaeth Cychwyn Cadarn.