Cylch Gorchwyl
Diben
- Adolygu sut mae swyddogaethau'r sefydliadau a sefydlwyd gan Ddeddf Pensiynau 2004 - Y Rheoleiddiwr Pensiynau a'r Gronfa Diogelu Pensiynau - yn gweddu i bolisïau presennol y Llywodraeth ar bensiynau, ei chynigion ar ddiwygio pensiynau, a datblygiadau ehangach yn y farchnad bensiynau.
- Ystyried hefyd sut mae cyrff eraill sydd â chyfrifoldebau am reoleiddio a diogelu pensiynau gwaith yn rhyngweithio â hwy ar faterion yn ymwneud â phensiynau gwaith.
- Gwneud argymhellion ynghylch y ffurfwedd fwyaf priodol yn y dyfodol ar gyfrifoldebau sefydliadol, gan gynnig llywodraethu cadarn a'r trefniant swyddogaethau mwyaf effeithiol, effeithlon a fforddiadwy, a chan osgoi dyblygu a gwrthdaro buddiannau, er mwyn cyflwyno polisi'r Llywodraeth.
Methodoleg
- Archwilio sut mae swyddogaethau'r sefydliadau a sefydlwyd drwy Ddeddf Pensiynau 2004 - y Gronfa Diogelu Pensiynau (PPF) a'r Rheoleiddiwr Pensiynau - yn gweddu i gynigion y Llywodraeth ar gyfer diwygio pensiynau.
- Archwilio sut mae swyddogaethau cyrff eraill hefyd yn gweddu i'r cynigion diwygio. Mae hyn yn ymestyn i'r rheiny sy'n gysylltiedig â
- Rheoleiddio pensiynau gwaith, a'r Awdurdod Gwasanaethau Ariannol yn arbennig;
- Cynnig cyngor, cyfryngu, datrys anghydfod neu dalu iawndal pensiynau, yn arbennig y Gwasanaeth Cynghori ar Bensiynau, yr Ombwdsmon Pensiynau, Ombwdsmon y PPF, Gwasanaeth yr Ombwdsmon Ariannol (mewn rôl yn ymwneud â phensiynau), Tribiwnlys y Rheoleiddiwr Pensiynau, a'r Cynllun Iawndal Gwasanaethau Ariannol (mewn rôl yn ymwneud â phensiynau).
- Ystyried unrhyw oblygiadau o ran cydlyniad y strwythur rheoleiddiol a fydd yn cael ei gymhwyso ar draws y farchnad bensiynau, gan ystyried egwyddorion Hampton.
- Ystyried datblygiadau rheoleiddiol posibl yn y dyfodol, gan gynnwys y rheiny o Ewrop a thu hwnt.
- Ni fydd angen i'r adolygiad archwilio'r trefniadau gweinyddol ar gyfer y Cynllun Cymorth Ariannol, gan fod y rhain wedi cael eu harchwilio ar wahân, a chyhoeddwyd y penderfyniadau ym mis Gorffennaf 2006.
- Annog trafodaeth ac anelu at feithrin consensws, gan ymgynghori ar gynigion a ddaw i'r amlwg am unrhyw newidiadau yn y modd y mae'r swyddogaethau'n cael eu trefnu orau rhwng sefydliadau.
Mae'r wybodaeth ar y wefan hon yn Gymraeg. Fodd bynnag, gall cysylltiadau i wefannau allanol eich arwain at wybodaeth yn Saesneg.