Deddfwriaeth
Mesur Pensiynau
Mae'r Mesur yn cynnwys mesurau ar gyfer diwygio Pensiwn y Wladwriaeth, sefydlu awdurdod darparu ar gyfer cyfrifon personol, a symleiddio pensiynau preifat i raddau. I grynhoi, mae'r mesurau hyn yn:
- Gwneud Pensiwn sylfaenol y Wladwriaeth yn fwy hael drwy adfer y cyswllt ag enillion;
- Cynyddu'r nifer o bobl sydd â'r hawl i gael Pensiwn sylfaenol y Wladwriaeth llawn drwy leihau'r nifer o flynyddoedd y mae'n ei gymryd i adeiladu Pensiwn sylfaenol y Wladwriaeth llawn o 39 o flynyddoedd i ferched a 44 o flynyddoedd i ddynion i 30 o flynyddoedd i bob un sy'n cyrraedd oedran Pensiwn y Wladwriaeth o 6 Ebrill 2010;
- Ei gwneud yn haws i rieni a gofalwyr adeiladu Pensiwn y Wladwriaeth;
- Symleiddio a'i gwneud yn haws i gael Ail Bensiwn y Wladwriaeth.
- Codi oedran Pensiwn y Wladwriaeth dros amser o 2024 er mwyn adlewyrchu hirhoedledd cynyddol, a chefnogi'r camau i ymestyn bywydau gwaith;
- Sefydlu awdurdod darparu ar gyfer dechrau'r broses o ddarparu cyfrifon personol.
- Symleiddio’r broses o reoleiddio pensiynau preifat, gan ei gwneud yn haws i bobl gynllunio a chynilo.
- Darllen Mesur Pensiynau (bydd y cyswllt hwn yn mynd â chi at wefan y Senedd)
Asesiad Effaith Reoleiddiol
Mae'r Asesiad Effaith Reoleiddiol yn nodi effeithiau'r diwygiadau ar fusnes a grwpiau eraill. Mae hefyd yn darparu dadansoddiad o dystiolaeth economaidd, gan edrych ar gostau a buddiannau'r mesurau yn y Mesur ac ystyried effaith y pecyn cyfan o ddiwygiadau.
Cynnwys
- Cynnwys, Cyflwyniad a Phennod 1 – trosolwg (182KB)
- Pennod 2 – Diwygio Pensiwn y Wladwriaeth (223KB)
- Pennod 3 – Creu awdurdod darparu cyfrifon personol (46KB)
- Pennod 4 – Diwygio pensiynau preifat (121KB)
- Atodiadau A a B, Geirfa (543KB)
Effeithiau Diwygio Pensiynau o ran Rhyw
Mae hwn yn cynnwys dadansoddiad manwl o'r diwygiadau o ran rhyw, gan gymharu canlyniadau dynion a merched.
Mae'r wybodaeth ar y wefan hon yn Gymraeg. Fodd bynnag, gall cysylltiadau i wefannau allanol eich arwain at wybodaeth yn Saesneg.