Y darganfyddwr gwybodaeth mewn manylder
Mae’r darganfyddwr gwybodaeth yn dweud wrthych pwy i gysylltu â hwy i gael gwybodaeth nad oedd ar y cychwyn wedi’i fwriadu ar gyfer y cyhoedd neu gyfranddeiliaid eraill, yn enwedig:
- gwybodaeth fewnol
- gwybodaeth sydd ond ar gael mewn ffurf argraffedig
- gwybodaeth sy’n cael ei ddal ar systemau TG mewnol fel mewnrwyd DWP neu serfiwr lleol.
Mae’r darganfyddwr gwybodaeth yn cwmpasu gwybodaeth o bob rhan o DWP, ei asiantaethau a chyrff atodol. Nid yw’n cynnwys gwybodaeth gan gyrff cyhoeddus anadrannol cysylltiedig gan ei bod yn ofynnol iddynt hwy gynnal eu cynlluniau cyhoeddi eu hunan.
Gwybodaeth a gyhoeddwyd gan DWP
Mae’r DWP yn darparu mynediad am ddim i’w gwybodaeth a gyhoeddir ar y wefan ac mewn mannau eraill. Mae hyn yn cynnwys:
- taflenni
- llyfrynnau a chanllawiau i wasanaethau
- cyhoeddiadau polisi a chorfforaethol
- ymchwil, dadansoddiad ac ystadegau
- dogfennau ymgynghori
- ffurflenni cais a chanllawiau perthnasol
- asesiadau ardrawol
- gwybodaeth technegol ac arbenigol wedi ei anelu at ymarferwyr proffesiynol ac hefyd cyfranddeiliaid eraill fel cyflogwyr.
Gallwch ddefnyddio’r Archif Electronig i ddod o hyd i wybodaeth hŷn a gyhoeddwyd ond sydd wedi cael ei dynnu o’r wefan.
Gallwch ddod o hyd i fwy o wybodaeth a gyhoeddwyd o wefannau eraill DWP a trwy ddefnyddio’r dudalen gysylltiadau ar y wefan hon.
Cefndir cyfreithiol
Mae’r Deddf Rhyddid Gwybodaeth 2000 (s19) yn ei gwneud yn ofynnol i bob Awdurdod Cyhoeddus i fod yn rhagweithiol i roi gwybodaeth ar gael yn unol a’u Cynllun Cyhoeddi (51KB) 
. Bwriad hyn yw i alluogi’r cyhoedd i gael mynediad at nifer fawr o wybodaeth heb orfod gwneud cais penodol o dan Rhyddid Gwybodaeth.
Gwybodaeth wedi’i eithrio
Nid oes rhaid i ni ddarparu’r wybodaeth ganlynol.
Gwybodaeth lle mae ei gyflwyno wedi ei atal o dan statud neu wedi ei eithrio o dan y Ddeddf Rhyddid Gwybodaeth.
Gwybodaeth sydd fel arfer wedi ei eithrio o dan y Ddeddf Rhyddid Gwybodaeth a deddfwriaeth arall wedi’i eithrio.
Gwybodaeth mewn ffurf drafft.
Dim ond y fersiynau ‘terfynol’ y mae disgwyl iddynt gael eu rhoi ar gael yn rhagweithiol.
Gwybodaeth sy’n cael ei ystyried ei fod wedi ei archifo.
Nid yw hyn o reidrwydd yn cynnwys archifau adrannol, ond mae’n cyfeirio at wybodaeth sydd ddim bellach yn ‘gyfredol’ fel cofnodion cyfarfodydd dros bum mlwydd oed. Gallai rhain fod yn destun i gais penodol o dan y Ddeddf Rhyddid Gwybodaeth, ond nid oes disgwyl iddynt gael eu rhoi ar gael yn rhagweithiol.
Gwybodaeth na all gael ei rhoi ar gael yn rhwydd gan yr awdurdod cyhoeddus
Buasai hyn yn cynnwys gwybodaeth sydd angen ei brosesu, syntheseiddio neu ei ail bacedu er mwyn iddo gael ei anfon allan i aelodau’r cyhoedd. Dim ond ‘dogfennau terfynol’ sydd angen eu cyhoeddi’n rhagweithiol.
Mwy o wybodaeth
Os nad ydych yn gallu dod o hyd i’r wybodaeth rydych yn chwilio amdano yma neu mewn adrannau eraill o wefan DWP, ewch i’n tudalennau Rhyddid Gwybodaeth am fanylion ar sut i wneud cais.
Am fwy o wybodaeth am Ryddid Gwybodaeth a Chynlluniau Cyhoeddi, ymwelwch a gwefan y Comisiynydd Gwybodaeth