Cwynion a Chanmoliaeth
Beth yw eich barn chi am ein gwasanaeth?
Yn yr Uned Adfer Iawndal, rydym am roi'r gwasanaeth gorau posibl i chi. Mae eich barn yn bwysig i ni, a bydd yn ein helpu i wella'n gwasanaeth. Gwnawn:
- Wrando ar yr hyn sydd gennych i'w ddweud a defnyddio`r wybodaeth i wella'n gwasanaeth.
- Gwneud pethau'n well mor gyflym â phosibl, pan ânt o'i le.
- Cyhoeddi gwybodaeth am y modd yr ydym wedi newid ein gwasanaethau yn sgil sylwadau yr ydym wedi eu derbyn.
Rydym yn gwarantu:
- Y byddwn yn eich trin yn deg ac yn gwneud yn siŵr na fydd unrhyw sylw neu gŵynyn effeithio ar y gwasanaeth y rhown i chi.
Mae'r daflen hon yn rhoi gwybod i chi beth i'w wneud:
- Os ydych yn anfodlon â'r gwasanaeth yr ydym wedi ei roi i chi
- Os ydych o'r farn ein bod wedi gwneud camgymeriad
- Os oes angen mwy o help neu gyngor arnoch
- Os ydych am roi gwybod i ni ein bod wedi gwneud rhywbeth yn dda
Ein Siarter y Cwsmer
Mae ein Siarter y Cwsmer yn rhoi gwybod i chi am safon y gwasanaeth y gallwch ei disgwyl gennym.
Gallwch ofyn am y wybodaeth hon mewn print mawr, Braille ac ar dâp sain.
Rhowch wybod i ni sut y gallwn wella'n gwasanaeth
Rydym yn croesawu ac yn gwerthfawrogi unrhyw farn neu awgrymiadau sydd gennych a allai wella'r gwasanaeth y rhown.
Os oes gennych unrhyw sylwadau am unrhyw faes yn y gwasanaeth y rhown, er enghraifft, yr amseroedd y gallwch ein ffonio, pa mor barod yw'n staff i helpu, neu'r wybodaeth a roddir yn ein taflenni, rhowch wybod i ni. Gallwch ddefnyddio'n ffurflen adborth
Yn Anfodlon â'n gwasanaeth
- Os ydych yn anfodlon â rhywbeth rydym wedi'i wneud neu os ydych o'r farn ein bod heb wneud rhywbeth, rhowch wybod i ni.
- Dywedwch wrthym am beth rydych yn anfodlon, a beth mae angen i ni wneud am y peth, yn eich barn chi
Mae'r wybodaeth ar y wefan hon yn Gymraeg. Fodd bynnag, gall cysylltiadau i wefannau allanol eich arwain at wybodaeth yn Saesneg.