Y Ganolfan Byd Gwaith
Mae'r Ganolfan Byd Gwaith yn rhan o’r Adran Gwaith a Phensiynau. Mae’n darparu gwasanaethau sy’n rhoi cymorth i bobl o oedran gweithio symud o fudd-daliadau i mewn i waith, ac yn helpu cyflogwyr i lenwi eu swyddi gwag.
Mae gwybodaeth am swyddi a budd-daliadau ar www.gov.uk
Mae’r Ganolfan Byd Gwaith yn rhoi cymorth i bobl o oedran gweithio symud o fudd-daliadau i mewn i waith, ac yn helpu cyflogwyr i lenwi eu swyddi gwag. Mae’n rhan o’r Adran Gwaith a Phensiynau ac yn chwarae rôl allweddol wrth gefnogi nod yr adran i hyrwyddo cyfleoedd ac annibyniaeth i bawb drwy wasanaethau modern sy’n canolbwyntio ar gwsmeriaid.
Siarter Cwsmeriaid Yr Adran Gwaith a Phensiynau
Ein nod yw darparu gwasanaeth effeithiol o ansawdd uchel i’n holl gwsmeriaid. Mae Siarter Cwsmeriaid yr Adran Gwaith a Phensiynau yn nodi’r safonau y gallech eu disgwyl gennym a beth yw eich cyfrifoldebau chi.
Ein nodau
Ein hamcanion allweddol yw:
- Cynyddu’r cyflenwad effeithiol o lafur drwy hyrwyddo gwaith fel yr opsiwn gorau a helpu pobl ddi-waith ac economaidd anweithgar i symud i mewn i gyflogaeth.
- Gweithio tuag at gydraddoldeb o ran canlyniadau ar gyfer cwsmeriaid o leiafrifoedd ethnig.
- Talu’r budd-dal cywir i gwsmeriaid ar yr adeg gywir a diogelu’r system budd-daliadau rhag twyll, camgymeriadau a chamddefnydd.
- Darparu gwasanaethau o ansawdd uchel a arweinir gan alw i gyflogwyr, sy’n helpu cyflogwyr i lenwi eu swyddi gwag yn gyflym ac yn effeithiol gyda chyflogeion parod a llawn cymhelliant.
- Helpu pobl sy’n wynebu’r rhwystrau mwyaf i gyflogaeth i gystadlu’n effeithiol yn y farchnad lafur, symud i mewn i waith a’i gadw.
- Gwella ansawdd, hygyrchedd a chyflenwad gwasanaethau yn barhaus i bob cwsmer.
- Sicrhau y bydd pobl sy’n cael budd-daliadau oedran gweithio yn cyflawni eu cyfrifoldebau tra’n rhoi help a chymorth perthnasol i’r rhai sydd heb waith.
- Cynyddu cynhyrchiant, effeithlonrwydd ac effeithiolrwydd y Ganolfan Byd Gwaith yn gyffredinol.
